Saida mak Money Buffer? Maneira oinsa bele harii Money Buffer

    

Saida mak Money Buffer? Maneira Oinsa bele harii Money Buffer

 

Dalaruma ita senti la hakmatek tambá osan, ta’uk ita nia osan hotu lalais ka ita rasik duvida oinsá mak ita bele hasoru gastu sira ba situasaun ne’ebé ita rasik la espekta? Se karik hanesan ne’e ita tenki kria fundu Money Buffer.

Money Buffer hanesan Fundu Rezerva, ne’ebé mak prepara hodi hasoru nesesidade urjenti sira iha finanseiru nian. Fundu ida ne’e diferente ho poupansa babain, tambá money buffer tenki ida ne’ebé mak fasil atu asesu no prontu utiliza iha tempu saida deit.

 

Benefisiu husi Money Buffer ne’ebé sei oferese mai ita liu husi:

·     Fo hakmatek ba ita nia hanoin, Money Buffer ajuda ita sente hakmatek liu, bainhira hasoru situasaun ne’ebé urjenti iha finaseiru.

·     Ajuda ita hasoru kondisaun emerjensia sira, money buffer tulun los ita hasoru situasaun emerjensia sira ne’ebé ita hasoru hanesan derepenti iha seremonia kultura lia mate, hetan dejastre ka moras ruma ne’ebé presiza osan urjenti.

·     Ajuda ita atinji objetivu orsamentu, liu husi ita nia money buffer ita bele uza ba selu eskola, ka halo uma.

 

Maneira oinsá hodi harii Money Buffer?

Harii Money Buffer presiza komitmentu no disiplina. Tuir mai, ita bele hahu harii Money Buffer liu husi etapa sira tuir mai ne’e:

 

1.   Konta ita nia nesesidade Money Buffer

 

        Determina kedas, osan hira mak ita presiza hodi responde ba nesesidade          emerjensia sira. Atu nune’e ita bele haree no kalkula kedas situasaun                emerjensia ne’e, ita presiza montante hira mak atu responde ba no oinsa          mak ita bele akumula montante sira ne’e.

 

2.   Kria budget no la’o tuir


Hakerek ita nia osan tama sira no mos osan sai. Kria budget ne’ebé mak realistiku no la’o tuir. Atu nune’e ita bele hatene kada fulan ne’e osan ne’ebé ita gaña hira, no osan ne’ebé sai hira.

 

3.   Rezerva osan Rutina

 

        Rezerva osan montante balun ho rutina hodi harii Money Buffer. Ita bele          halo bainhira simu salariu, ka transfere automatikamente husi konta                  bankaria salariu nian ba konta bankaria espesifiku ba Money Buffer                  nian. Haketak kedas husi ita nia osan uza ba diaria atu ita labele gasta              hotu osan ba Money Buffer nian.

 

4.   Buka rendimentu adisional


        Se posivel, buka tan rendimentu adisional hodi bele aselera prosesu harii          Money Buffer ne’e. Ita bele aumenta ita nia income husi tan fatin seluk,            atu nune’e fasil ba ita atu atinji Money Buffer ne’ebé ita harii.

 

5.   Jere osan ho matenek

 

       Hado’ok an husi kompras ba sasan sira ne’ebé mak la presiza no               kompras tenki ho kuidadu no matenek hodi jere osan. Jere didi’ak atu ita         iha osan ba harii Money Buffer ni’an.

 

       Harii Money Buffer dalaruma presiza tempu, maibé ida ne’e hanesan               investimentu importante ida, ba iha ita nia futuru finanseiru. Liu husi               Money buffer, ita bele sente seguru no hakmatek hodi hasoru situasaun             inserteza finanseiru nian.

Komentar

Posting Komentar

Postingan populer dari blog ini

Ko'alia kona-bá osan ida ne’e sensitivu iha relasaun? Maibé ida ne’e importante atu ko’alia

Gambar
Ko'alia kona-bá osan ida ne’e sensitivu  iha relasaun? Maib é  ida ne’e importante atu  ko’alia       Ema barak mak senti bainhira iha situasaun namora hela difisil ba sira atu ko’alia ba malu kona-bá osan, tambá sira senti ida ne’e topiku ne’ebé mak sensitivu loos atu ko’alia. No ko’alia kona-bá osan dalaruma halo ema senti la konfortavél iha relasaun no ema balun bele mos konsidera nia parseiru ka paseira ne’ebé hahu topiku ida ne’e hanesan ema nebe matan osan. Maibé se bainhira ita la ko’alia antes kona-bá topiku ida ne’e dalaruma bele hamosu problema bainhira harii ona familia. Tambá problema barak akontese iha familia sira ne’ebé relasiona ho osan.   Entaun importante loos atu ko’alia kedas kona-bá osan antes kaben, no ita bele ko’alia ho ita nia parseiru ka parseira kona-bá parte sira ne’e:   1.         1. Oinsá ho ita nia kostume utiliza osan Ita presiza ko’alia no halo diskusaun antes ho ita nia parseiru/a...
Baca selengkapnya

Sala ne'ebé mak ita sempre halo hela de'it bainhira jere osan

Gambar
Sala ne’ebé mak ita sempre halo hela de’it bainhira jere osan                                                             Jere osan hanesan parte ida atu kontrola ita nia osan sira, no oinsa mak osan sira ne’e bele aumenta tan iha futuru. Dalabrak ita la identifika didi’ak, maneira balun ne’ebé mak sala bainhira ita utiliza iha jere osan ni’an. Entaun ita presija tebes atu hare no identifika didi’ak kona-ba sala sira ne’e. 1.  Ganhu aumenta no lifestlyle mos aumenta Dalabarak bainhira ita nia ganhu ka osan tama aumenta, ita mos komesa ona aumenta gastus ba ita nia lifestyle. Maske antes ne’e, bainhira ita nia ganhu seidauk aumenta, no ita utiliza montante gastus ba lifestyle ne’e to’o hela ba ita nia nesesidade sira. Maibé tamba de’it ita hakarak aumenta ita nia lifestyle, hodi uza hotu kedas ganhu sira ne’e ba lifestyle no la iha i...
Baca selengkapnya